Eigen hiemside FNP Wûnseradiel yn de loft

WûnseradielIn politike partij kin tsjintwurdich net mear sûnder eigen hiemside op it Ynternet. Ynternet is fierwei de bêste manier om de efterban goed op de hichte hâlden mei aktuele saken. Kranten, parseberjochten, neat wurket sa fluch as it WWW en boppedat is it yn ferhâlding goedkeap. Hoewol’t der  al langer plannen bestiene, is mei de ferkiezings yn it sicht even goed trochpakt. Der is in eigen URL risservearre (fnp-wunseradiel.nl). Liskje Flapper is beneamd ta webmaster(ske) en der is kontakt opnommen mei minsken yn de FNP, dy’t kennis fan saken hawwe. In tal frijwilligers is oan de slach gien. It definitive ûntwerp waard basearre op de tige dúdlike hiemside fan de ôfdieling Dantumadiel en alle beskikbere skriftlike ynformaasje waard selektearre op geskiktens foar de hiemside. De ôfdieling woe de nije hiemside noch foar de ferkiezings yn ‘e loft hawwe en dat is krekt slagge. De ferkiezings yn ‘e loft hawwe en dat is krekt slagge.

U vindt de link naar de website op de pagina Gemeenteraadsverkiezingen Nieuws

FNP Wûnseradiel tsjin weryndieling

Wûnseradiel - De FNP-ôfdieling Wûnseradiel sprekt har dúdlik út tsjin weryndieling fan de gemeente. Listoanfierder Lucy Postmus hat har fernuvere oer de lûden fan de provinsje benammen dy fan deputearre Ploeg oer weryndieling. De finânsjes fan de gemeente binne op oarder, de bestjoerskrêft is goed en der is dochs neat mis mei lytsskaligens? Om midden yn de mienskip te stean en de belangen fan de boargers te behertigjen moat in gemeente net te grut wêze wat it tal ynwenners, doarpen en grûngebiet oanbelanget. In fúzje fan Wûnseradiel, Littenseradiel en Boalsert soe liede ta in gemeente fan 56 doarpen en ien stêd. Dat komt de ynwenners fan Wûnseradiel net te’n goede

FNP ûnder oanfiering fan riidslid Lucy Postmus

Wûnseradiel - De top fiif fan de FNP, ûnder oanfiering fan sittend riidslid Lucy Postmus, stie al fêst foar de de gemeenterieferkiezings fan 7 maart. Op 12 janewaris binne de oare âlve kandidaten fêststelt. De FNP is tige ynnommen mei harren beskiberens foar de list. Op de kandidatenlist staene acht froujle en acht manlje. Ferdield oer de ferskillende doarpen fan Wûnseradiel, elk mei harren eigen ynbring foar it doarp, ferieningen, muziek en kultuur en in ferskaat oan meiwurkje yn it maatskippelik libben. Lucy Postmus út Wûns, 2. Liskje Flapper út Burchwert, 3. Joep Bergsma en 4. Feddie de Boer beide út Makkum, 5. Piet Stuiver út Lollum, 6. Jan Blanksma út Tsjerkwert, 7. Eppie Otter út Wytmarsum, 8. Djoke Attema fan’e Himert, 9. Jehannes Dykstra út Tsjerkwert, 10. Tryntsje Lijcklama à Nijeholt út Skettens, 11. Sytze Ybema út Ferwâlde, 12. Coby Postmus út Lollum, 13.Anneke Feenstra út Tsjerkwert, 14. Maaike van Dijk- van der Gaast út Koarnwert, 15. Tineke Algra-Feenstra út Wytmarsum en 16. Roel Nooitgedagt út Makkum

FNP en de top fiif foar de ferkiezings

Wûnseradiel - De FNP Wûseradiel hat op de 12e desimber yn harren ledengearkomste de top fiif fan de kandidatenlist foar de gemeenteriedsferkiezings fan 2005 fêststelt. Lucy Postmus út Wûns lûkt de list wer oan, fan 1994 oant en mei 1998 en sûnt 2002 sit sy yn de rie. Sy wurdt folge troch Liskje Flapper út Burhwert dy’t no ek al fjouwer jier mei draait yn de kommisje grûngebiet en aktyf is yn de fraksje. Joep Bergsma en Feddie de Boer nimme ferfolgens harren plak op trije en fjouwer yn, sy binne warber foar de kearn mei pit yn Makkum. Op fiif stiet Piet Stuiver út Lollum, al jierren aktyf as fraksje meiwurker foar de rie, foaral oer grûnsaken en bestimmimgsplannen yn de doarpen. Yn de ledengearkomste op 12 janewaris 2006 sil oer it ferfoch fan de list stimt wurde.